ಅಲಿಂಗ್ಟನ್: ಫಿಫಾ ವಿಶ್ವಕಪ್ನ ರೋಮಾಂಚಕ ಸೆಮಿಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡಕ್ಕೆ ಭಾರಿ ಆಘಾತ ಎದುರಾಗಿದೆ. ಪಂದ್ಯದ ಕೊನೆಯ ಕ್ಷಣಗಳಲ್ಲಿ ನಾಟಕೀಯ ತಿರುವು ಪಡೆದ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡವನ್ನು ಮಣಿಸಿದ ಅರ್ಜೆಂಟೀನಾ ಭರ್ಜರಿಯಾಗಿ ಫೈನಲ್ಗೆ ಪ್ರವೇಶಿಸಿದೆ. ಇದರೊಂದಿಗೆ 1966ರ ನಂತರ ಇದೇ ಮೊದಲ ಬಾರಿಗೆ ವಿಶ್ವಕಪ್ ಫೈನಲ್ ತಲುಪಬೇಕೆಂಬ ಇಂಗ್ಲೆಂಡ್ನ ದಶಕಗಳ ಕನಸು ನುಚ್ಚುನೂರಾಗಿದೆ.
5 ನಿಮಿಷಗಳಲ್ಲಿ ಪಂದ್ಯ ಕಸಿದುಕೊಂಡ ಅರ್ಜೆಂಟೀನಾ!
ಪಂದ್ಯದ ದ್ವಿತೀಯಾರ್ಧದಲ್ಲಿ ಇಂಗ್ಲೆಂಡ್ ಸಂಪೂರ್ಣ ಹಿಡಿತ ಸಾಧಿಸಿತ್ತು. 55ನೇ ನಿಮಿಷದಲ್ಲಿ ಆಂಥೋನಿ ಗಾರ್ಡನ್ ಬಾರಿಸಿದ ಅದ್ಭುತ ಗೋಲಿನ ನೆರವಿನಿಂದ ಇಂಗ್ಲೆAಡ್ 1-0 ಮುನ್ನಡೆ ಕಾಯ್ದುಕೊಂಡಿತ್ತು. ಇಂಗ್ಲೆಂಡ್ ಸುಲಭವಾಗಿ ಫೈನಲ್ ತಲುಪಲಿದೆ ಎಂದೇ ಎಲ್ಲರೂ ಭಾವಿಸಿದ್ದರು. ಆದರೆ ಪಂದ್ಯ ಮುಗಿಯಲು ಕೇವಲ 5 ನಿಮಿಷಗಳಿದ್ದಾಗ ಅರ್ಜೆಂಟೀನಾ ಜಾದೂ ಮಾಡಿತು:
-
ಸಮಬಲದ ಗೋಲು: ಪಂದ್ಯದ 85ನೇ ನಿಮಿಷದಲ್ಲಿ ಎಂಜೊ ಫೆರ್ನಾಂಡಿಸ್ ಬಾರಿಸಿದ ಅದ್ಭುತ ಗೋಲು ಅರ್ಜೆಂಟೀನಾಗೆ 1-1 ಸಮಬಲ ತಂದುಕೊಟ್ಟಿತು.
-
ಮೆಸ್ಸಿ ಮ್ಯಾಜಿಕ್ - ಮಾರ್ಟಿನೆಜ್ ಫಿನಿಶಿಂಗ್: ಇನ್ನು ಪಂದ್ಯದ ಹೆಚ್ಚುವರಿ ಸಮಯದಲ್ಲಿ (Extra Time) ಫುಟ್ಬಾಲ್ ಮಾಂತ್ರಿಕ ಲಯೋನೆಲ್ ಮೆಸ್ಸಿ ನೀಡಿದ ಅದ್ಭುತ ಪಾಸ್ ಅನ್ನು ಲೌಟಾರೊ ಮಾರ್ಟಿನೆಜ್ ಹೆಡರ್ ಮೂಲಕ ಗೋಲಾಗಿ ಪರಿವರ್ತಿಸಿ ತಂಡಕ್ಕೆ ರೋಮಾಂಚಕ ಜಯ ತಂದುಕೊಟ್ಟರು.
ರಣರಂಗವಾದ ಮೈದಾನ: 19 ಫೌಲ್ಗಳು!
ಮೊದಲಾರ್ಧದಿಂದಲೇ ಉಭಯ ತಂಡಗಳ ಆಟಗಾರರು ತೀವ್ರ ಆಕ್ರಮಣಕಾರಿ ಆಟಕ್ಕೆ ಮುಂದಾಗಿದ್ದರು. ಮೈದಾನದಲ್ಲಿ ತೀವ್ರ ಘರ್ಷಣೆಗಳು ನಡೆದವು. ಇಡೀ ಪಂದ್ಯದಲ್ಲಿ ಒಟ್ಟು 19 ಫೌಲ್ಗಳು ದಾಖಲಾದವು ಎಂದರೆ ಪಂದ್ಯದ ತೀವ್ರತೆ ಎಷ್ಟಿತ್ತು ಎಂದು ಅಂದಾಜಿಸಬಹುದು. ಆಟಗಾರರ ಗಲಾಟೆಯನ್ನು ನಿಯಂತ್ರಿಸಲು ಅಮೆರಿಕದ ರೆಫರಿ ಇಸ್ಮಾಯಿಲ್ ಎಲ್ಫಾತ್ ಹರಸಾಹಸ ಪಡಬೇಕಾಯಿತು.
ಮುಂದಿನ ಹೋರಾಟ ಯಾರ ವಿರುದ್ಧ?
-
ಫೈನಲ್ ಫೈಟ್: ಹಾಲಿ ಚಾಂಪಿಯನ್ ಅರ್ಜೆಂಟೀನಾ ತಂಡವು ಭಾನುವಾರ ನಡೆಯಲಿರುವ ಹೈವೋಲ್ಟೇಜ್ ಫೈನಲ್ ಪಂದ್ಯದಲ್ಲಿ ಸ್ಪೇನ್ ವಿರುದ್ಧ ತನ್ನ ಪ್ರಶಸ್ತಿಯನ್ನು ಉಳಿಸಿಕೊಳ್ಳಲು ಹೋರಾಡಲಿದೆ.
-
3ನೇ ಸ್ಥಾನಕ್ಕಾಗಿ ಪಂದ್ಯ: ಸೆಮಿಫೈನಲ್ನಲ್ಲಿ ಸೋತು ನಿರಾಸೆಗೊಂಡಿರುವ ಇಂಗ್ಲೆಂಡ್ ತಂಡವು ಮೂರನೇ ಸ್ಥಾನಕ್ಕಾಗಿ ನಡೆಯಲಿರುವ ಪಂದ್ಯದಲ್ಲಿ ಬಲಿಷ್ಠ ಫ್ರಾನ್ಸ್ ತಂಡವನ್ನು ಎದುರಿಸಲಿದೆ.
