ಪವರ್ ಕಟ್ ಮಾಡಲು ಸಿದ್ಧತೆ ಮಾಡಿಕೊಳ್ಳುತ್ತಿದೆಯಾ ಕಾಂಗ್ರೆಸ್‍ ಸರ್ಕಾರ…?

ಹೀಗೆ ಜಲವಿದ್ಯುತ್,ಸೋಲಾರ್ ಮತ್ತು ಪವನ ವಿದ್ಯುತ್ ಉತ್ಪಾದನೆಯಲ್ಲಿ ಆಗಿರುವ ತೊಂದರೆಯಿಂದ ರಾಜ್ಯವೀಗ ಉಷ್ಣ ವಿದ್ಯುತ್ ಸ್ಥಾವರಗಳ ಮೇಲೆ ಅವಲಂಬಿತವಾಗುವುದು ಅನಿವಾರ್ಯವಾಗಿದ್ದು,ಇದರ ಪರಿಣಾಮವಾಗಿ ರಾಜ್ಯ ಸರ್ಕಾರ ಹೆಚ್ಚುವರಿ ಆರ್ಥಿಕ ಹೊರೆ ಹೊರುವ ಆತಂಕ ಎದುರಾಗಿದೆ.

          ವಿಪರ್ಯಾಸವೆಂದರೆ,ಇಂತಹ ಪರಿಸ್ಥಿತಿಯ ನಡುವೆಯೇ ಉಷ್ಣ ವಿದ್ಯುತ್ ಸ್ಥಾವರದ ನಾಲ್ಕು ಘಟಕಗಳು ದುರಸ್ಥಿಯಲ್ಲಿದ್ದು,ಈಗಾಗಲೇ ಸಂಪೂರ್ಣವಾಗಿ ಉತ್ಪಾದನೆಯನ್ನು ಸ್ಥಗಿತಗೊಳಿಸಿವೆ.

          ಇಂಧನ ಇಲಾಖೆಯ ಮೂಲಗಳ ಪ್ರಕಾರ,ರಾಜ್ಯದ ವಿದ್ಯುತ್ ಉತ್ಪಾದನೆಯ ಪ್ರಮಾಣ ಗಣನೀಯವಾಗಿ ಕುಸಿತ ಕಂಡಿರುವುದರಿಂದ ಕೇಂದ್ರ ವಿದ್ಯುತ್ ಸ್ಥಾವರ ಮತ್ತು ಛತ್ತೀಸ್ ಘಡ,ತಮಿಳುನಾಡು,ಆಂಧ್ರಪ್ರದೇಶ ಸೇರಿದಂತೆ ಹೊರಗಿನಿಂದ ಐದು ಸಾವಿರ ಮೆಗಾವ್ಯಾಟ್ ಗೂ ಅಧಿಕ ವಿದ್ಯುತ್ ನ್ನು ಆಮದು ಮಾಡಿಕೊಳ್ಳುವ ದಯನೀಯ ಸ್ಥಿತಿ ಎದುರಾಗಿದೆ.

ಈ ಹಿನ್ನೆಲೆಯಲ್ಲಿ ಈಗಾಗಲೇ ಅನಿಯಮಿತ ಲೋಡ್ ಷೆಡ್ಡಿಂಗ್ ನ್ನು ಜಾರಿಗೊಳಿಸಿರುವ ಸರ್ಕಾರ,ಇದಕ್ಕೆ ತಾಂತ್ರಿಕ ಕಾರಣಗಳನ್ನು ನೀಡುತ್ತಿದೆಯಾದರೂ ಈ ಲೋಡ್ ಷೆಡ್ಡಿಂಗ್ ಖಾಯಂ ಆಗಿ ಮುಂದುವರಿಯುವುದು ಖಚಿತ.

          ಆದರೆ ಇದು ಕೂಡಾ ತಾತ್ಕಾಲಿಕ ವ್ಯವಸ್ಥೆಯಾಗಿರುವುದರಿಂದ ಮುಂದಿನ ದಿನಗಳಲ್ಲಿ ಪವರ್ ಕಟ್ ಮಾಡಲು ಯೋಚಿಸಿರುವ ರಾಜ್ಯ ಸರ್ಕಾರ,ಜನರಿಗೆ,ರೈತರಿಗೆ ಮತ್ತು ಕೈಗಾರಿಕೋದ್ಯಮಿಗಳಿಗೆ ದಿನಕ್ಕಿಷ್ಟು ವಿದ್ಯುತ್ ಎಂದು ನಿಗದಿ ಮಾಡಲು ತಯಾರಿ ನಡೆಸಿದೆ ಎಂಬುದು ಮೂಲಗಳ ವಿವರ.