ಇಂಡಿಯನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್ ನಿಂದ ಮಕ್ಕಳ ಆರೋಗ್ಯ ಕುರಿತು “ಆಪ್ ಕಿ ಬಾತ್ ಕಮ್ಯುನಿಟಿಕೆ ಸಾಥ್”  ಎಂಬ ರಾಷ್ಟ್ರ ವ್ಯಾಪಿ ಬೃಹತ್ ಆಂದೋಲನಕ್ಕೆ ಚಾಲನೆ

ವಿಶ್ವ ರಕ್ತಹೀನತೆ ದಿನದ ಹಿನ್ನೆಲೆ; ಕೇಂದ್ರ ಸರ್ಕಾರದ ಗುರಿಯಂತೆ ಮೊದಲ ಕಾರ್ಯಕ್ರಮವಾಗಿ “ಅನೀಮಿಯಾ ಮುಕ್ತ ಭಾರತ” ಅಭಿಯಾನ

ಇಂಡಿಯನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್ ನಿಂದ ದೇಶದ ಮಕ್ಕಳ ಕ್ಲಿನಿಕ್ ಗಳ 44 ಸಾವಿರ ಮಕ್ಕಳ ತಜ್ಞರಿಂದ ಹುಟ್ಟಿದಾರಾಭ್ಯ 18 ವಯೋಮಿತಿ ಒಳಗಿನ ಮಕ್ಕಳಿಗೆ   “ಸಮುದಾಯದ ಜೊತೆ ಅನಿಮಿಯಾ ಮುಕ್ತ ಭಾರತ” ಅಭಿಯಾನದಡಿ ಉಚಿತ ತಪಾಸಣೆ

ಮಕ್ಕಳ ಆರೋಗ್ಯದ ವಿವಿಧ ಆಯಾಮಗಳ ಕುರಿತು ಇಂಡಿಯನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್ ನಿಂದ ಅಧ್ಯಕ್ಷರ ಕ್ರಿಯಾ ಯೋಜನೆಯಡಿ 2024 ಮತ್ತು 25 ರಲ್ಲಿ “ಆಪ್ ಕಿ ಬಾತ್ ಕಮ್ಯುನಿಟಿಕೆ ಸಾಥ್”  ಅಭಿಯಾನ ಆಯೋಜನೆ

ಬೆಂಗಳೂರು: ಇಂಡಿಯನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್ ನಿಂದ ಸಮುದಾಯವನ್ನು ಸಕ್ರಿಯವಾಗಿ ತೊಡಗಿಸಿಕೊಂಡು  ಮಕ್ಕಳ ಆರೋಗ್ಯದ ಬಗ್ಗೆ ಸಮಗ್ರ ಮಾಹಿತಿ ನೀಡುವ “ಆಪ್ ಕಿ ಬಾತ್ ಕಮ್ಯುನಿಟಿಕೆ ಸಾಥ್”  ಎಂಬ ಮಹತ್ವದ ಅಭಿಯಾನ ಆರಂಭಿಸಲಾಗಿದೆ.

ಅಭಿಯಾನದಲ್ಲಿ ಮೊದಲ ಭಾಗವಾಗಿ ರಕ್ತಹೀನತೆ ಕುರಿತು ಜಾಗೃತಿ ಮೂಡಿಸುತ್ತಿದ್ದು,  ನಂತರ ಸ್ಥೂಲಕಾಯತೆ, ಆಟಿಸಂ, ತಲೆಸ್ಸೇಮೀಯಾ ಮತ್ತು ಡೌನ್ ಸಿಂಡ್ರೋಮ್ ಕುರಿತು ಜನ ಜಾಗೃತಿಗೆ ವ್ಯವಸ್ಥೆ ಮಾಡಲಾಗಿದೆ.

ಪ್ರತಿಯೊಬ್ಬರಿಗೂ ಖಚಿತ ಮತ್ತು ಪ್ರಸ್ತುತ ಬದುಕಿನಲ್ಲಿ  ಅಗತ್ಯವಿರುವ ಮಾಹಿತಿ ನೀಡುವ ಉದ್ದೇಶ ಹೊಂದಲಾಗಿದೆ. ಇದರಿಂದ ಮಕ್ಕಳ ಯೋಗಕ್ಷೇಮ ನೋಡಿಕೊಳ್ಳಲು ಮತ್ತು ಸಾಮಾಜಿಕ ಆರೋಗ್ಯಕ್ಕೆ ಕೊಡುಗೆ ನೀಡಲು  ಈ ಬೆಳವಣಿಗೆ ಸಹಕಾರಿಯಾಗಲಿದೆ. ಸರ್ಕಾರದ ಸಹಭಾಗಿತ್ವ, ಸಾಮಾಜಿಕ ಜಾಲತಾಣಗಳ ಮೂಲಕ ಲಕ್ಷಾಂತರ ಮಕ್ಕಳಿಗೆ ವಿಶ್ವಾಸಾರ್ಹ ಮಾಹಿತಿ ತಲುಪಿಸುವ ಗುರಿ ಹೊಂದಲಾಗಿದೆ.

ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ 2019 ಮತ್ತು 2020 ರ ಸಮೀಕ್ಷೆಯಂತೆ ಫಲವತ್ತತೆಯ ಸಮಯವಾದ 15 ರಿಂದ 49 ವಯೋಮಿತಿಯ ಅರ್ಧದಷ್ಟು ಮಹಿಳೆಯರು ಹಾಗೂ 6 ರಿಂದ 59 ತಿಂಗಳ ವಯೋಮಿತಿಯ ಮಕ್ಕಳಲ್ಲಿ ಶೇ 59 ರಷ್ಟು ಮಕ್ಕಳು ದೇಶದಲ್ಲಿ ರಕ್ತಹೀನತೆಯಿಂದ ಬಳಲುತ್ತಿದ್ದಾರೆ. ಕಬ್ಬಿಣ, ಫೋಲಿಕ್ ಆಸೀಡ್ ಮತ್ತು ವಿಟಮಿನ್ ಬಿ12 ಕೊರತೆಯಿಂದ ತೊಂದರೆಗೀಡಾಗಿದ್ದಾರೆ.

ಮಲೇರಿಯಾ, ಅನುವಂಶಿಕ ಪರಿಸ್ಥಿತಿಗಳು, ಆನಾರೋಗ್ಯಕರ ಆಹಾರ ಅಭ್ಯಾಸಗಳು, ಕಬ್ಬಿಣದ ಕೊರತೆಯಿಂದ ಉಂಟಾಗುವ ಅನೀಮಿಯಾ, ಹೆಚ್ಚು ಕಬ್ಬಣಾಂಶದ ಆಹಾರ ಸೇವನೆ, ಋತುಚಕ್ರದ ಮತ್ತು ಹೆರಿಗೆ ಸಮಯದಲ್ಲಿ ತೀವ್ರ ರಕ್ತ ಹಾನಿಯಾಗುವ ಸಮಸ್ಯೆಗಳಿಂದ ಬಳುತ್ತಿರುವವರ ಯೋಗಕ್ಷೇಮಕ್ಕಾಗಿ ಈ ಅಭಿಯಾನ ಹಮ್ಮಿಕೊಳ್ಳಲಾಗಿದೆ.  ಕಳೆದ 2018 ರಲ್ಲಿ ಕೇಂದ್ರ ಸರ್ಕಾರ ಮಕ್ಕಳು, ಹೆಣ್ಣುಮಕ್ಕಳು ಮತ್ತು ಹದಿಹರೆಯದವರಲ್ಲಿ ರಕ್ತಹೀನತೆ ತಗ್ಗಿಸಲು ಅನೀಮಿಯಾ ಮುಕ್ತ ಭಾರತ ಅಭಿಯಾನ ಆರಂಭಿಸಿತ್ತು.