ನವದೆಹಲಿ ,ಜೂ.4- ಐಪಿಎಲ್ 2025 ರಲ್ಲಿ ಆರ್‍ಸಿಬಿ ಐತಿಹಾಸಿಕ ಗೆಲುವಿನ ನಂತರ, ತಂಡದ ಮೊದಲ ಮಾಲೀಕ ವಿಜಯ್ ಮಲ್ಯ ಅವರ ಪೆÇೀಸ್ಟ್ ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ಈ ಪೋಸ್ಟ್ನಲ್ಲಿ ಅವರು ವಿರಾಟ್ ಕೊಹ್ಲಿಯನ್ನು ತುಂಬಾ ಹೊಗಳಿದ್ದಾರೆ.
ಆರ್‍ಸಿಬಿ ಗೆಲುವಿನ ನಂತರ ವಿಜಯ್ ಮಲ್ಯ ಹೀಗೆ ಬರೆದಿದ್ದಾರೆ- ನಾನು ಆರ್‍ಸಿಬಿ ತಂಡವನ್ನು ರಚಿಸಿದಾಗಿನಿಂದ, ಐಪಿಎಲ್ ಟ್ರೋಫಿ ಬೆಂಗಳೂರಿಗೆ ಬರಬೇಕು ಎಂಬುದು ನನ್ನ ಕನಸಾಗಿತ್ತು. ಆ ಸಮಯದಲ್ಲಿ, ವಿರಾಟ್ ಕೊಹ್ಲಿಯಂತಹ ಶ್ರೇಷ್ಠ ಆಟಗಾರನನ್ನು ತಂಡಕ್ಕೆ ಸೇರಿಸಿಕೊಳ್ಳುವ ಅವಕಾಶ ನನಗೆ ಸಿಕ್ಕಿತು, ಮತ್ತು ಅವರು 18 ವರ್ಷಗಳ ಕಾಲ ಆರ್‍ಸಿಬಿಯೊಂದಿಗೆ ಸಂಬಂಧ ಹೊಂದಿದ್ದಾರೆ ಎಂಬುದು ಬಹಳ ವಿಶೇಷವಾದ ವಿಷಯ.
ಕ್ರಿಸ್ ಗೇಲ್ (ಯೂನಿವರ್ಸ್ ಬಾಸ್) ಮತ್ತು ಎಬಿ ಡಿವಿಲಿಯರ್ಸ್ (ಮಿಸ್ಟರ್ 360) ರಂತಹ ಶ್ರೇಷ್ಠ ಆಟಗಾರರನ್ನು ತಂಡದಲ್ಲಿ ಸೇರಿಸಿಕೊಳ್ಳುವ ಗೌರವ ನನಗೂ ಸಿಕ್ಕಿದೆ. ಇಬ್ಬರೂ ಆರ್‍ಸಿಬಿಯ ಇತಿಹಾಸದ ಪ್ರಮುಖ ಭಾಗ. ಈಗ ಅಂತಿಮವಾಗಿ ಆರ್‍ಸಿಬಿ ಮೊದಲ ಬಾರಿಗೆ ಐಪಿಎಲ್ ಟ್ರೋಫಿಯನ್ನು ಗೆದ್ದಿದೆ. ಈ ಕನಸನ್ನು ನನಸಾಗಿಸಿದ ಎಲ್ಲರಿಗೂ ನಾನು ಧನ್ಯವಾದ ಹೇಳಲು ಬಯಸುತ್ತೇನೆ. ಆರ್‍ಸಿಬಿ ಅಭಿಮಾನಿಗಳು ಅತ್ಯುತ್ತಮರು ಮತ್ತು ಅವರು ಈ ಗೆಲುವಿಗೆ ಅರ್ಹರು. ಈ ಸಲಾ ಕಪ್ ಬೆಂಗಳೂರು ಬರುತೆ (ಈ ಬಾರಿ ಕಪ್ ಬೆಂಗಳೂರಿಗೆ ಬಂದಿದೆ!) ಎಂದು ಭಾವಾನಾತ್ಮಕ ಪೋಸ್ಟ್ ಮಾಡಿದ್ದಾರೆ.
ಅವರ ಅಧಿಕಾರಾವಧಿಯಲ್ಲಿ, ಆರ್‍ಸಿಬಿ ಮೂರು ಬಾರಿ ಫೈನಲ್‍ನಲ್ಲಿ ಸೋತಿತು. 2009, 2011 ಮತ್ತು 2016 ರಲ್ಲಿ. ಆರ್‍ಸಿಬಿಯ ಈ ಸೋಲುಗಳು ಸಾಕಷ್ಟು ನೋವಿನಿಂದ ಕೂಡಿದ್ದವು ಮತ್ತು ತಂಡದ ಅಭಿಮಾನಿಗಳಿಗೂ ನಿರಾಶಾದಾಯಕ ಕ್ಷಣಗಳಾಗಿದ್ದವು. ಈಗ ಆರ್‍ಸಿಬಿ ಅಂತಿಮವಾಗಿ 2025 ರಲ್ಲಿ ಮೊದಲ ಬಾರಿಗೆ ಐಪಿಎಲ್ ಟ್ರೋಫಿಯನ್ನು ಗೆದ್ದಾಗ, ವಿಜಯ್ ಮಲ್ಯ ಅವರ ಭಾವನೆಗಳು ಸಹ ಮುನ್ನೆಲೆಗೆ ಬಂದವು. ಅವರ ಪೆÇೀಸ್ಟ್ ಈ ಗೆಲುವಿನ ಮಹತ್ವ ಮತ್ತು ವರ್ಷಗಳ ಕಾಯುವಿಕೆಯ ನೋವನ್ನು ಸ್ಪಷ್ಟವಾಗಿ ತೋರಿಸುತ್ತದೆ.
