ಬೆಂಗಳೂರು : ಚಿತ್ರದುರ್ಗದಲ್ಲಿ ಕರ್ನಾಟಕ ಟೇಕ್ವಾಂಡೋ ಅಸೋಸಿಯೇಷನ್ ನ 38ನೇ ರಾಜ್ಯ ಮಟ್ಟದ ಸಬ್‌ಜ್ಯೂನಿಯರ್, ಜ್ಯೂನಿಯರ್ ಮತ್ತು ಸೀನಿಯರ್ ಟೇಕ್ವಾಂಡೋ ಪಂದ್ಯಾವಳಿ ಯಶಸ್ವಿಯಾಗಿ ಮುಕ್ತಾಯವಾಗಿದೆ. ಚಿತ್ರದರ್ಗದ ಕೆಇಬಿ ಸಮುದಾಯ ಭವನದಲ್ಲಿ ನಡೆದ ಪಂದ್ಯಾವಳಿಯಲ್ಲಿ ಸಬ್‌ಜ್ಯೂನಿಯರ್ ವಿಭಾಗದಲ್ಲಿ ಬೆಂಗಳೂರು ನಗರ ಟೇಕ್ವಾಂಡೋ ಅಸೋಸಿಯೇಷನ್ [186 ಅಂಕಗಳು] ಮತ್ತು ಚಿತ್ರದುರ್ಗ ಜಿಲ್ಲಾ ಟೇಕ್ವಾಂಡೋ ಅಸೋಸಿಯೇಷನ್ [114 ಅಂಕಗಳು] ಪ್ರಥಮ ಮತ್ತು ದ್ವಿತೀಯ ಸ್ಥಾನ ಪಡೆದಿವೆ.
ಕೆಡೆಟ್ ವಿಭಾಗದಲ್ಲಿ ಬೆಂಗಳೂರು ನಗರ ಟೇಕ್ವಾಂಡೋ ಅಸೋಸಿಯೇಷನ್ [81 ಅಂಕಗಳು] ಮತ್ತು ತುಮಕೂರು ಜಿಲ್ಲಾ ಟೇಕ್ವಾಂಡೋ ಅಸೋಸಿಯೇಷನ್ [40 ಅಂಕಗಳು] ಪ್ರಶಸ್ತಿಗೆ ಭಾಜನವಾಗಿದ್ದು, ಜ್ಯೂನಿಯರ್ ವಿಭಾಗದಲ್ಲಿ ಬೆಳಗಾವಿ ಟೇಕ್ವಾಂಡೋ ಫೌಂಡೇಷನ್ [46 ಅಂಕಗಳು] ಮತ್ತು ಬೆಂಗಳೂರು ನಗರ ಟೇಕ್ವಾಂಡೋ ಅಸೋಸಿಯೇಷನ್ [28 ಅಂಕಗಳು] ತಂಡಗಳು ಪ್ರಶಸ್ತಿಗಳನ್ನು ಗಳಿಸಿವೆ.
ಹಿರಿಯರ ವಿಭಾಗದಲ್ಲಿ ತುಮಕೂರು ಜಿಲ್ಲಾ ಟೇಕ್ವಾಂಡೋ ಅಸೋಸಿಯೇಷನ್ [36 ಅಂಕಗಳು] ಮತ್ತು ಬೆಂಗಳೂರು ನಗರದ ಟೇಕ್ವಾಂಡೋ ಅಸೋಸಿಯೇಷನ್ [23 ಅಂಕಗಳು] ಪ್ರಶಸ್ತಿ ಪಡೆದಿವೆ ಎಂದು ಕರ್ನಾಟಕ ಟೇಕ್ವಾಂಡೋ ಅಸೋಸಿಯಷೇನ್ ಅಧ್ಯಕ್ಷ ತಿರುಮಾಲ್ ಮತ್ತು ಪ್ರಧಾನ ಕಾರ್ಯದರ್ಶಿ ಬಿ.ಎನ್. ವೆಂಕಟೇಶ್ ತಿಳಿಸಿದ್ದಾರೆ.
ರಾಜ್ಯದ 18 ಜಿಲ್ಲೆಗಳಿಂದ ಸುಮಾರು 1000 ಕ್ರೀಡಾ ಪಟುಗಳು ಭಾಗವಹಿಸಿದ್ದರು. ಈ ಪಂದ್ಯವಳಿಗೆ ಆಂಧ್ರ, ಗೋವಾ, ತಮಿಳುನಾಡು ಮತ್ತು ಕರ್ನಾಟಕ ದಿ೦ದ ತೀರ್ಪುಗಾರರನ್ನು ಕರೆಸಲಾಗಿತ್ತು. ಬಾಲಕ ಮತ್ತು ಬಾಲಕಿಯರಿಗೆ ಅಂದರೆ 8 ವರ್ಷ ಮೇಲ್ಪಟ್ಟು ಹಾಗೂ 17 ವರ್ಷ ಮೇಲ್ಪಟ್ಟವರಿಗೆ ಸ್ಪರ್ಧೆಗಳು ಪ್ರತ್ಯೇಕವಾಗಿ ನಡೆಯಿತು.
