ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್ ಅನ್ನು ಪರಿಚಯಿಸಿದ ಮಹೀಂದ್ರಾ

ಮಹೀಂದ್ರಾ ಅಂಡ್ ಮಹೀಂದ್ರಾ ಲಿ.ನ ಆಟೋಮೋಟಿವ್ ಡಿವಿಷನ್ ಸಿಇಓ ನಳಿನಿಕಾಂತ್ ಗೊಲ್ಲಗುಂಟಾ ಮಾತನಾಡುತ್ತಾ, “ಮಹೀಂದ್ರಾದ ‘ರೈಸ್ ಫಾರ್ ವ್ಯಾಲ್ಯೂ‘, ನಮ್ಮ ರೈಸ್ ಫಿಲಾಸಫಿಯ ಆಧಾರಸ್ತಂಭವಾಗಿದ್ದು, ಇದು ನಮ್ಮ ಹೊಸ ಕೊಡುಗೆಯಾದ – ಮಹೀಂದ್ರಾ ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್ನಲ್ಲಿ ಸಾಕಾರಗೊಂಡಿದೆ. ಈ ಬಿಡುಗಡೆಯು ಸಬ್-2-ಟನ್ ಸೆಗ್ಮೆಂಟ್ ನಲ್ಲಿ ಮಹತ್ವದ ಹೆಜ್ಜೆಯಾಗಿದ್ದು, ವ್ಯವಹಾರಗಳನ್ನು ಸಬಲೀಕರಣಗೊಳಿಸಲು ಮತ್ತು ಭಾರತದಲ್ಲಿ ಕೊನೆಯ ಮೈಲಿ ಸಂಪರ್ಕವನ್ನು ಸಾಧಿಸುವ ನಮ್ಮ ಬದ್ಧತೆಯನ್ನು ತೋರಿಸುತ್ತದೆ. ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್, ಅದರ ಅಸಾಧಾರಣ 500 ಕಿಮೀ ರೇಂಜ್ ನ ಸಿಎನ್ಜಿ  ಡ್ಯುಯೊ ವೇರಿಯಂಟ್ ನೊಂದಿಗೆ, ಶಕ್ತಿ, ಆರ್ಥಿಕತೆ, ಸುರಕ್ಷತೆ ಮತ್ತು ಸೌಕರ್ಯವನ್ನು ಒದಗಿಸುತ್ತದೆ, ಲಾಜಿಸ್ಟಿಕ್ಸ್ ಮತ್ತು ಸಾರಿಗೆಯಲ್ಲಿ ಸಮಗ್ರ, ಮೌಲ್ಯ–ಚಾಲಿತ ಪರಿಹಾರಗಳನ್ನು ತಲುಪಿಸುವ ನಮ್ಮ ಧ್ಯೇಯವನ್ನು ಬಲಪಡಿಸುತ್ತದೆ” ಎಂದು ಹೇಳಿದ್ದಾರೆ.

ಎ&ಎಂನ ಆಟೋಮೋಟಿವ್ ಟೆಕ್ನಾಲಜಿ ಮತ್ತು ಪ್ರೊಡಕ್ಟ್ ಡೆಲವಪ್ಮೆಂಟ್ ಪ್ರೆಸಿಡೆಮಟ್ ಆರ್.ವೇಲುಸಾಮಿ ಮಾತನಾಡಿ, “ನಮ್ಮ ಪ್ರಸಿದ್ಧ ಸುಪ್ರೊ ಪ್ಲಾಟ್ಫಾರ್ಮ್ನಿಂದ ಹೊರಹೊಮ್ಮುತ್ತಿರುವ ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್, ತಾಂತ್ರಿಕ ಶ್ರೇಷ್ಠತೆದೆಡೆಗಿನ ಮಹೀಂದ್ರಾದ ಅಚಲ ಬದ್ಧತೆಯನ್ನು ಉದಾಹರಿಸುತ್ತದೆ. ಇದು ಸುಧಾರಿತ ಕಾರ್ಯಕ್ಷಮತೆಗಾಗಿ ಸುಧಾರಿತ 5-ಸ್ಪೀಡ್ ಟ್ರಾನ್ಸ್ ಮಿಷನ್ ಅನ್ನು ಹೊಂದಿದೆ, ಸ್ಟೆಬಿಲಿಟಿ ಹೆಚ್ಚಿಸಲು ಥಿಕ್ ನೆಸ್ ಜಾಸ್ತಿ ಮಾಡುವುದರೊಂದಿಗೆ ಚಾಸಿಸ್ ಬಲವರ್ಧಿಸಲಾಗಿದೆ ಮತ್ತು 19% ಹೆಚ್ಚು ಸ್ಟಿಫ್ ನೆಸ್ ನೀಡುತ್ತದೆ ಹಾಗೂ ಸುರಕ್ಷತೆಯಲ್ಲಿ ಹೊಸ ಮಾನದಂಡಗಳನ್ನು ಸ್ಥಾಪಿಸುವ ಆ್ಯಂಟಿ–ರೋಲ್ ಬಾರ್ ಹೊಂದಿದೆ. ಉನ್ನತ ಕಾರ್ಯಕ್ಷಮತೆ ಮತ್ತು ದಕ್ಷತೆಯನ್ನು ನೀಡಲು ಮಾತ್ರವಲ್ಲದೆ ಪೇಲೋಡ್ ಸಾಮರ್ಥ್ಯದಲ್ಲಿ ಹೊಸ ಮಾನದಂಡವನ್ನು ಹೊಂದಿಸಲು ಈ ಅಂಶಗಳನ್ನು ನಿಖರವಾಗಿ ಸಂಯೋಜಿಸಲಾಗಿದೆ. ಈ ವಾಹನವು ದಕ್ಷ, ದೃಢವಾದ ಮತ್ತು ಮೌಲ್ಯ–ಚಾಲಿತ ಪರಿಹಾರಗಳನ್ನು ಒದಗಿಸುವ ನಮ್ಮ ಭರವಸೆಗೆ ಸಾಕ್ಷಿಯಾಗಿದೆ, 2-ಟನ್ ಸೆಗ್ಮೆಂಟ್ ಗಿಂತ ಕಡಿಮೆಯ ವಿಭಾಗವನ್ನು ಮರುರೂಪಿಸುವುದು ಮತ್ತು ನಮ್ಮ ಗ್ರಾಹಕರು ಮತ್ತು ಸಮುದಾಯಗಳ ಮೇಲೆ ಧನಾತ್ಮಕ ಪರಿಣಾಮ ಬೀರುವುದು ನಮ್ಮ ಉದ್ದೇಶವಾಗಿದೆ” ಎಂದು ಹೇಳಿದರು.