ಕುಷ್ಟಗಿ ಪಟ್ಟಣದ ವಾರ್ಡ-20 ರ ಅಂಗನಾಡಿ ಕೇಂದ್ರ ಸಂಖ್ಯೆ 9 ರಲ್ಲಿ ಮಾಹಾತ್ಮ ಗಾಂಧಿ ಜಯಂತಿ ಹಾಗೂ ಲಾಲ್ ಬಹಾದ್ದೂರ್ ಶಾಸ್ತ್ರಿ ಜಯಂತಿ ಮತ್ತು ಅಂಗನವಾಡಿ ದಿನಾಚರಣೆ ಕಾರ್ಯಕ್ರಮ ನಡೆಯಿತು. ಈ ಸಂದರ್ಭದಲ್ಲಿ ಅಂಗನವಾಡಿ ಕಾರ್ಯಕರ್ತೆಯರಾದ ಶರಣಮ್ಮ ಸೋಮನಕಟ್ಟಿ, ಜುಬೇದಾ ಬೇಗಂ, ಬಾಲ ವಿಕಾಸ ಸಮಿತಿ ಅಧ್ಯಕ್ಷೆ ಅಶ್ವಿನಿ ಪವಾಡೆಪ್ಪ ಚೌಡ್ಕಿ, ಯಮನಪ್ಪ ಚೂರಿ, ಹುಲಿಗೆಮ್ಮ ಇಂಗಳಗಿ, ಹನಮಂತ ಡಂಬರ, ಹುಸೇನೆಮ್ಮ ಸೇರಿದಂತೆ ಹಲವಾರರು ಗಾಂಧಿಜಿ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಪುಷ್ಪವನ್ನು ಅರ್ಪಿಸಿ ಅಂಗನವಾಡಿ ದಿನಾಚರಣೆಯನ್ನು ಆಚರಣೆ ಮಾಡಿದರು.
ಈ ಕಾರ್ಯಕ್ರಮವನ್ನು ಕುರಿತು ಅಂಗನವಾಡಿ ಕಾರ್ಯಕರ್ತೆ ಜುಬೇದಾ ಬೇಗಂ ಮಾತನಾಡಿ ನಮ್ಮ ಮಾಹಾತ್ಮ ಗಾಂಧಿಯ ಕನಸು ನನಸಾಗಬೇಕಾದರೆ ಮಾಹಾತ್ಮರ ತತ್ವಗಳನ್ನು ಅಳವಡಿಸಿಕೊಂಡಾಗ ಮಾತ್ರ ಈ ದೇಶ ಅಭಿವೃದ್ಧಿ ದೇಶವಾಗುತ್ತದೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಮದ್ದಾನಪ್ಪ, ಮಲ್ಲೇಶ ವಜ್ಜಲಬಂಡಿ ಸೇರಿದಂತೆ ಅಂಗನವಾಡಿ ಮಕ್ಕಳು ಹಾಗೂ ಹಲವಾರರು ಉಪಸ್ಥಿತರಿದ್ದರು.
