ಮುಲ್ಲನ್‌ಪುರ: ಐಪಿಎಲ್ 19ನೇ ಆವೃತ್ತಿಯಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಗೆಲುವಿನ ನಾಗಾಲೋಟ ಮುಂದುವರಿದಿದೆ. ಭಾನುವಾರ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ನಡೆದ ಹೈ-ವೋಲ್ಟೇಜ್ ಪಂದ್ಯದಲ್ಲಿ 54 ರನ್‌ಗಳ ಭರ್ಜರಿ ಜಯ ದಾಖಲಿಸಿದ ಪಂಜಾಬ್, ಅಂಕಪಟ್ಟಿಯಲ್ಲಿ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಂಡಿದೆ. ಆದರೆ, ಪಂದ್ಯದ ಗೆಲುವಿಗಿಂತ ಹೆಚ್ಚಾಗಿ ಈಗ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿರುವುದು ಪಂಜಾಬ್ ತಂಡದ ಮಾಲೀಕಿ ಪ್ರೀತಿ ಜಿಂಟಾ ಮತ್ತು ವೇಗಿ ಅರ್ಶದೀಪ್ ಸಿಂಗ್ ಅವರ ವಿಡಿಯೋ!
ಗೆಲುವಿನ ಖುಷಿಯಲ್ಲಿ ಪ್ರೀತಿ ಜಿಂಟಾ ‘ಜಾದು ಕಿ ಜಪ್ಪಿ’!
ಪಂದ್ಯ ಮುಗಿದ ನಂತರ ಮೈದಾನಕ್ಕೆ ಬಂದ ಬಾಲಿವುಡ್ ನಟಿ ಪ್ರೀತಿ ಜಿಂಟಾ, ತಂಡದ ಗೆಲುವಿಗೆ ಕಾರಣರಾದ ಆಟಗಾರರನ್ನು ಅಭಿನಂದಿಸಿದರು. ಈ ವೇಳೆ ಸ್ಟಾರ್ ವೇಗಿ ಅರ್ಶದೀಪ್ ಸಿಂಗ್ ಅವರನ್ನು ಪ್ರೀತಿಯಿಂದ ಅಪ್ಪಿಕೊಂಡರು. ಮಾಲೀಕರಿಂದ ಸಿಕ್ಕ ಈ ಅನಿರೀಕ್ಷಿತ 'ಅಪ್ಪುಗೆ'ಯಿಂದ ಅರ್ಶದೀಪ್ ಸಿಂಗ್ ಮುಖದಲ್ಲಿ ನಗು ಅರಳಿದ್ದು, ಅವರು ಕುಣಿದು ಕುಪ್ಪಳಿಸಿದ್ದಾರೆ. ಈ ವಿಡಿಯೋ ಸದ್ಯ ಇಂಟರ್ನೆಟ್‌ನಲ್ಲಿ ಸಂಚಲನ ಸೃಷ್ಟಿಸಿದೆ.
[video width="720" height="1280" mp4="https://kannadanadunews.in/wp-content/uploads/2026/04/WhatsApp-Video-2026-04-21-at-12.04.58-PM.mp4"][/video]
https://x.com/Cricket_live247/status/2046094336149090416?s=20
ಇದೇ ವೇಳೆ ಅರ್ಶದೀಪ್ ಸಿಂಗ್ ಪಕ್ಕದಲ್ಲೇ ನಿಂತಿದ್ದ ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಅನುಭವಿ ವೇಗಿ ಮೊಹಮ್ಮದ್ ಶಮಿ ಅವರ ರಿಯಾಕ್ಷನ್ ನೆಟ್ಟಿಗರ ಗಮನ ಸೆಳೆದಿದೆ. ಪ್ರೀತಿ ಜಿಂಟಾ ಅರ್ಶದೀಪ್‌ರನ್ನು ಅಪ್ಪಿಕೊಳ್ಳುತ್ತಿದ್ದಂತೆ, ಶಮಿ ಸ್ವಲ್ಪ 'ಹೊಟ್ಟೆ ಉರಿದುಕೊಂಡಂತೆ' ನಕ್ಕಿದ್ದಾರೆ. ಈ ತಮಾಷೆಯ ಕ್ಷಣ ಈಗ ಮೀಮ್ಸ್ ಕ್ರಿಯೇಟರ್‌ಗಳಿಗೆ ಆಹಾರವಾಗಿದೆ.
ಪಂಜಾಬ್ ಕಿಂಗ್ಸ್ ಭರ್ಜರಿ ಬ್ಯಾಟಿಂಗ್
ಮೊದಲು ಬ್ಯಾಟಿಂಗ್ ಮಾಡಿದ್ದ ಪಂಜಾಬ್ ಕಿಂಗ್ಸ್ ನಿಗದಿತ 20 ಓವರ್‌ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 254 ರನ್ ಗಳ ಬೃಹತ್ ಮೊತ್ತ ಕಲೆಹಾಕಿತ್ತು. ಇದು ಈ ಸೀಸನ್‌ನಲ್ಲಿ ಪಂಜಾಬ್ ದಾಖಲಿಸಿದ ಗರಿಷ್ಠ ಸ್ಕೋರ್ ಆಗಿದೆ. ಈ ಬೃಹತ್ ಗುರಿ ಬೆನ್ನಟ್ಟಿದ ಲಕ್ನೋ ಸೂಪರ್ ಜೈಂಟ್ಸ್ 200 ರನ್‌ಗಳಿಗೆ ತನ್ನ ಹೋರಾಟ ಮುಗಿಸಿ ಸೋಲೊಪ್ಪಿಕೊಂಡಿತು.
ತಂಡದ ಗೆಲುವು ಮತ್ತು ಮಾಲೀಕರ ಬೆಂಬಲ ಕಂಡು ಪಂಜಾಬ್ ಕಿಂಗ್ಸ್ ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ. ಪ್ರೀತಿ ಜಿಂಟಾ ಅವರ ನಮ್ರತೆ ಮತ್ತು ಆಟಗಾರರ ಮೇಲಿರುವ ಅವರ ಪ್ರೀತಿ ಸದಾ ಪ್ರಶಂಸೆಗೆ ಪಾತ್ರವಾಗುತ್ತಲೇ ಇರುತ್ತದೆ.
