IPL 2026: ಮನೀಶ್ ಪಾಂಡೆ ಹಿಡಿದ 'ಮ್ಯಾಜಿಕ್' ಕ್ಯಾಚ್‌ಗೆ ವಿರಾಟ್ ಕೊಹ್ಲಿ ಫಿದಾ! ಆರ್‌ಸಿಬಿಗೆ ಭರ್ಜರಿ ಜಯ, ಕಿಂಗ್ ಕೊಹ್ಲಿ ಶತಕದ ಆರ್ಭಟ

ರಾಯ್‌ಪುರ: ಒಂದೆಡೆ ವಿರಾಟ್ ಕೊಹ್ಲಿಯ ಅದ್ಭುತ ಶತಕ, ಮತ್ತೊಂದೆಡೆ ಕನ್ನಡಿಗ ಮನೀಶ್ ಪಾಂಡೆ ಹಿಡಿದ ಅಸಾಧಾರಣ ಕ್ಯಾಚ್ — ಈ ಎರಡು ಕ್ಷಣಗಳು ಐಪಿಎಲ್ 2026ರ ರಾಯ್‌ಪುರ ಪಂದ್ಯವನ್ನು ಅಭಿಮಾನಿಗಳಿಗೆ ಸ್ಮರಣೀಯವಾಗಿಸಿವೆ. ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ನಡೆದ ಹೈವೋಲ್ಟೇಜ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಆರು ವಿಕೆಟ್‌ಗಳ ಭರ್ಜರಿ ಜಯ ದಾಖಲಿಸಿದರೂ, ಪಂದ್ಯದ ಪ್ರಮುಖ ಚರ್ಚೆಯಾಗಿ ಪರಿಣಮಿಸಿದ್ದು ಮನೀಶ್ ಪಾಂಡೆ ಹಿಡಿದ ಸೂಪರ್ ಕ್ಯಾಚ್.

Also read

ಮತ್ತೆ ಟೀಮ್ ಇಂಡಿಯಾ ಚುಕ್ಕಾಣಿ ಹಿಡಿದ ವಿವಿಎಸ್ ಲಕ್ಷ್ಮಣ್! ಜಿಂಬಾಬ್ವೆ ವಿರುದ್ಧ ಯುವ ಪಡೆಯಿಗೆ 'ವೇರಿ ವೆರಿ ಸ್ಪೆಷಲ್' ಮಾರ್ಗದರ್ಶನ

ಟಿಮ್ ಡೇವಿಡ್ ಔಟ್ ಮಾಡಿದ ಪಾಂಡೆ ಡೈವ್!

ಆರ್‌ಸಿಬಿ 193 ರನ್‌ಗಳ ಗುರಿ ಬೆನ್ನಟ್ಟುತ್ತಿದ್ದ ವೇಳೆ ಕಾರ್ತಿಕ್ ತ್ಯಾಗಿ ಎಸೆದ ಚೆಂಡನ್ನು ಟಿಮ್ ಡೇವಿಡ್ ಕಟ್ ಮಾಡಲು ಯತ್ನಿಸಿದರು. ಚೆಂಡು ಬ್ಯಾಕ್‌ವರ್ಡ್ ಪಾಯಿಂಟ್ ಕಡೆಗೆ ವೇಗವಾಗಿ ಸಾಗುತ್ತಿದ್ದಂತೆಯೇ, ಅಲ್ಲಿದ್ದ ಮನೀಶ್ ಪಾಂಡೆ ಎಡಭಾಗಕ್ಕೆ ಅದ್ಭುತ ಡೈವ್ ಹೊಡೆದು ಅಚ್ಚರಿ ಮೂಡಿಸುವ ಕ್ಯಾಚ್ ಪೂರ್ಣಗೊಳಿಸಿದರು.

ಕ್ಷಣಾರ್ಧದಲ್ಲಿ ಹಿಡಿದ ಆ ಕ್ಯಾಚ್ ನೋಡಿ ಬೌಲರ್ ಕಾರ್ತಿಕ್ ತ್ಯಾಗಿಯೇ ಕೆಲ ಕ್ಷಣ ನಂಬಲಾರದೆ ನಿಂತರೆ, ನಾನ್-ಸ್ಟ್ರೈಕರ್ ಎಂಡ್‌ನಲ್ಲಿದ್ದ ವಿರಾಟ್ ಕೊಹ್ಲಿಯೂ ಆಶ್ಚರ್ಯಚಕಿತರಾದರು. ಕಾಮೆಂಟೇಟರ್‌ಗಳು ಕೂಡ ಇದನ್ನು “ಐಪಿಎಲ್ 2026ರ ಕ್ಯಾಚ್” ಎಂದು ವರ್ಣಿಸಿದರು.

Also read

‘ರೋಹಿತ್-ಕೊಹ್ಲಿಯನ್ನು ಟಚ್ ಮಾಡುವ ಧೈರ್ಯ ಬೇಡ!’; ಆಯ್ಕೆಗಾರರಿಗೆ ಅಶ್ವಿನ್ ಖಡಕ್ ವಾರ್ನಿಂಗ್

ಶತಕದ ಮೂಲಕ ಕಮ್‌ಬ್ಯಾಕ್ ಮಾಡಿದ ಕೊಹ್ಲಿ

ಕಳೆದ ನಾಲ್ಕು ಪಂದ್ಯಗಳಲ್ಲಿ ಒಂದೂ ಅರ್ಧಶತಕ ದಾಖಲಿಸದಿದ್ದ ವಿರಾಟ್ ಕೊಹ್ಲಿ, ಸತತ ಎರಡು ಬಾರಿ ಶೂನ್ಯಕ್ಕೆ ಔಟಾಗಿ ಟೀಕೆಗೆ ಗುರಿಯಾಗಿದ್ದರು. ಆದರೆ ರಾಯ್‌ಪುರ ಪಂದ್ಯದಲ್ಲಿ ವಿರಾಟ್ ತಮ್ಮ ಕ್ಲಾಸ್ ಏನೆಂಬುದನ್ನು ಮತ್ತೆ ಸಾಬೀತುಪಡಿಸಿದರು.

193 ರನ್‌ಗಳ ಸವಾಲಿನ ಗುರಿಯನ್ನು ಬೆನ್ನಟ್ಟಿದ ಆರ್‌ಸಿಬಿಗೆ ಆಧಾರವಾದ ಕೊಹ್ಲಿ ಕೇವಲ 60 ಎಸೆತಗಳಲ್ಲಿ 105 ರನ್‌ಗಳ ಅಜೇಯ ಇನ್ನಿಂಗ್ಸ್ ಆಡಿದರು. ಅವರ ಇನ್ನಿಂಗ್ಸ್‌ನಲ್ಲಿ 11 ಬೌಂಡರಿ ಮತ್ತು 3 ಭರ್ಜರಿ ಸಿಕ್ಸರ್‌ಗಳು ಸೇರಿದ್ದವು. ಈ ಶತಕದೊಂದಿಗೆ ಐಪಿಎಲ್ ಇತಿಹಾಸದಲ್ಲಿ ತಮ್ಮ ಒಂಬತ್ತನೇ ಶತಕವನ್ನು ವಿರಾಟ್ ಪೂರೈಸಿದರು.

ಶತಕ ಪೂರೈಸಿದ ಬಳಿಕ ಬ್ಯಾಟ್ ಮೇಲಕ್ಕೆತ್ತಿ ಪ್ರೇಕ್ಷಕರ ಅಭಿನಂದನೆ ಸ್ವೀಕರಿಸಿದ ಕೊಹ್ಲಿ, ಸಂಯಮದ ಸಂಭ್ರಮಾಚರಣೆಯ ಮೂಲಕ ಎಲ್ಲರ ಗಮನ ಸೆಳೆದರು.

[video width="720" height="1280" mp4="https://kannadanadunews.in/wp-content/uploads/2026/05/WhatsApp-Video-2026-05-14-at-12.34.17-PM.mp4"][/video]

ಈ ಭರ್ಜರಿ ಗೆಲುವಿನೊಂದಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 12 ಪಂದ್ಯಗಳಲ್ಲಿ 8ನೇ ಜಯ ದಾಖಲಿಸಿ 16 ಅಂಕಗಳೊಂದಿಗೆ ಐಪಿಎಲ್ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ಪ್ಲೇಆಫ್ ರೇಸ್‌ನಲ್ಲಿ ಬಲಿಷ್ಠ ಸ್ಥಾನ ಪಡೆದಿರುವ ಆರ್‌ಸಿಬಿ, ಮೇ 17ರಂದು ಶ್ರೇಯಸ್ ಅಯ್ಯರ್ ನೇತೃತ್ವದ ಪಂಜಾಬ್ ಕಿಂಗ್ಸ್ ವಿರುದ್ಧ ಮಹತ್ವದ ಪಂದ್ಯವಾಡಲಿದೆ.

ಕ್ರಿಕೆಟ್ ಅಭಿಮಾನಿಗಳ ಪಾಲಿಗೆ ಈ ಪಂದ್ಯ ವಿರಾಟ್ ಕೊಹ್ಲಿಯ ಶತಕಕ್ಕಿಂತಲೂ ಹೆಚ್ಚು ಮನೀಶ್ ಪಾಂಡೆ ಅವರ ಅದ್ಭುತ ಕ್ಯಾಚ್‌ನಿಂದ ನೆನಪಿನಲ್ಲಿ ಉಳಿಯುವಂತಾಗಿದೆ.

https://x.com/StarSportsIndia/status/2054637905549881419?s=20