ಇಸ್ರೋದ ಚಂದ್ರಯಾನ – 3 ಭಾಗವಾದ ಹೈ-ಟೆಕ್ ಪ್ರಾಜೆಕ್ಟ್ ಸಂಸ್ಥೆಯಿಂದ ಇಸ್ರೋಗೆ ತನ್ನ ಉತ್ಪನ್ನಗಳ ಹಸ್ತಾಂತರ
ಬೆಂಗಳೂರು : ಇಸ್ರೋದ ಮಹತ್ವಾಕಾಂಕ್ಷೆಯ ಚಂದ್ರಯಾನ–3 ರ ಯಶಸ್ಸಿನ ಭಾಗವಾಗಿರುವ ಏರೋ ಸ್ಪೇಸ್‌ ಉದ್ಯಮವಾದ ಹೈಟೆಕ್ ಪ್ರಾಜೆಕ್ಟ್ ಸಂಸ್ಥೆ ತನ್ನ ಪ್ರತಿಷ್ಠಿತ ಉತ್ಪನ್ನವಾದ ಹೈ-ಟೆಕ್ ಪ್ರಾಜೆಕ್ಟ್‌ಗಳು ಫ್ಯಾಬ್ರಿಕೇಟೆಡ್ ಕ್ರೂ ಎಸ್ಕೆಪ್ ಸಿಸ್ಟಮ್ ಕೋನಿಕಲ್ ಶೌಡ್ ಅನ್ನು ಇಸ್ರೋಗೆ ಹಸ್ತಾಂತರಿಸಿತು.
ಹೈಟೆಕ್ ಪ್ರಾಜೆಕ್ಟ್ ಸಿಇಒ ಬಿ. ರವಿಕುಮಾರ್ ರೆಡ್ಡಿ ಅವರು ನಗರದಲ್ಲಿ ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರದ ಕಾಂಪೋಸಿಟ್ಸ್ ಎಂಟಿಟಿಯ ಉಪನಿರ್ದೇಶಕ ಜಿ. ಕೃಷ್ಣ ಕುಮಾರ್ ಅವರಿಗೆ ತನ್ನ ಉತ್ಪನ್ನಗಳನ್ನು ಹಸ್ತಾಂತರಿಸಿದರು.
ಬೆಂಗಳೂರು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಗೆ ಉಡಾವಣಾ ವಾಹನಗಳು ಮತ್ತು ಬಾಹ್ಯಾಕಾಶ ನೌಕೆಗಳಿಗಾಗಿ ಹೈಟೆಕ್ಸ್‌ ಪ್ರಾಜೆಕ್ಟ್ ಸಂಸ್ಥೆ ವಿವಿಧ ಸಂಯೋಜಿತ ರಚನಾತ್ಮಕ ಉತ್ಪನ್ನಗಳನ್ನು ಪೂರೈಸುವ ಏರೋಸ್ಪೇಸ್ ಉದ್ಯಮವಾಗಿದೆ.
ಗಗನ್‌ಯಾನ್ ಮಿಷನ್‌ಗಾಗಿ ಆರ್ಬಿಟಲ್ ಮಾಡ್ಯೂಲ್‌ ಕ್ಯೂ ಎಸ್ಕೆಪ್ ಸಿಸ್ಟಮ್‌ನ ಭಾಗವಾದ ತನ್ನ ಮೊದಲ ಸಿಇಸಿಎಸ್ ಅಸೆಂಬ್ಲಿಯನ್ನು ಹಸ್ತಾಂತರಿಸಿ ಮಾತನಾಡಿದ ಸಿಇಒ ಬಿ. ರವಿ ಕುಮಾರ್ ರೆಡ್ಡಿ, ಇಸ್ರೋದ ಪ್ರತಿಷ್ಠಿತ ಗಗನ್‌ಯಾನ್ ಕಾರ್ಯಕ್ರಮದ ಭಾಗವಾಗಿರುವುದಕ್ಕೆ ಸಂತಸವಾಗುತ್ತಿದೆ. ಗಗನ್‌ಯಾನ್ ಕಾರ್ಯಕ್ರಮಕ್ಕಾಗಿ ಹೈಟೆಕ್ ಪ್ರಾಜೆಕ್ಟ್‌ಗಳು ನಾಲ್ಕು ರೀತಿಯ ಘನ ಮೋಟಾರ್ ನಳಿಕೆಗಳನ್ನು ಸಹ ಸಂಸ್ಥೆ ಪೂರೈಸುತ್ತಿದೆ. ಯಶಸ್ವಿ ಚಂದ್ರಯಾನ-3 ಮತ್ತು ಆದಿತ್ಯ ಐ1 ಕಾರ್ಯಕ್ರಮಗಳನ್ನು ಕೈಗೊಂಡಿರುವ ಇಸ್ರೋ ತಂಡವನ್ನು ಅವರು ಅಭಿನಂದಿಸಿದರು.
ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರದ ಕಾಂಪೋಸಿಟ್ಸ್ ಎಂಟಿಟಿಯ ಉಪನಿರ್ದೇಶಕ ಜಿ. ಕೃಷ್ಣ ಕುಮಾರ್ ಮಾತನಾಡಿ, ಇಡೀ ಕ್ರೂ ಎಸ್ಕೆಪ್ ಸಿಸ್ಟಮ್ ಅನ್ನು ನಿರ್ಮಿಸಲು ಸಹಾಯ ಮಾಡುವ ಅಮೂಲ್ಯ ಉತ್ಪನ್ನಕ್ಕಾಗಿ ಇಸ್ರೋ ಪರವಾಗಿ ಮೆಚ್ಚುಗೆ ವ್ಯಕ್ತಪಡಿಸಿದರು. ಇಸ್ರೋ ಕಾರ್ಯಾಚರಣೆಗಳಲ್ಲಿ ಪ್ರಮುಖ ಪಾಲುದಾರರಾಗಿರುವ ಮತ್ತು ಹೈಟೆಕ್ ಯೋಜನೆಗಳಿಗೆ ನೆರವಾಗುತ್ತಿರುವ ಸಂಸ್ಥೆಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.
ಕಾರ್ಯಕ್ರಮದಲ್ಲಿ ಎಎಸ್‌ಟಿಪಿ ಮತ್ತು ಸಿಇಎಸ್‌ನ ಕಾರ್ಯಕ್ರಮ ನಿರ್ದೇಶಕ ಪಿ. ಸುನಿಲ್‌, ಸಿಎಸ್‌ಡಿಜಿಯ ಗ್ರೂಪ್ ಡೈರೆಕ್ಟರ್ ಡಾ.ಬಿ.ಸಂತೋಷ್ ಮತ್ತು ಎಂಇಎಫ್‌ಎ ಪ್ರಧಾನ ವ್ಯವಸ್ಥಾಪಕ ವಿ.ವಿನು ವಿಶ್ವನಾಥ್, ಇಎಫ್‌ಸಿಡಿ ಡಿಜಿಎಂ ಜಿ. ಜಯ ಕುಮಾರ್, ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರದ ವಿವಿಧ ವಿಭಾಗಗಳ ವಿಜ್ಞಾನಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.