ಅಧಿನಾಯಕಿ : ಸ್ತ್ರೀ ಸಂವೇದನೆಯ ಏಕ ವ್ಯಕ್ತಿ ಪ್ರಯೋಗ

·        ನಂಜುಂಡಪ್ಪ.ವಿ.

ಇದು ಆಧುನಿಕ ಮಹಿಳಾ ಕಾವ್ಯ.  ಅನಾದಿ ಕಾಲದಿಂದಲೂ ಮಹಿಳೆಯರನ್ನು ನೋಡುವ, ಮಹಿಳೆಯರ ಸ್ವಾತಂತ್ರ್ಯ ಧಿಕ್ಕರಿಸುವ, ಮಹಿಳೆಯರನ್ನು ನಡೆಸಿಕೊಳ್ಳುವ ಕುರಿತಾದ ಒಂದು ಕಾವ್ಯ ರೂಪಕ ಅಧಿನಾಯಕಿ. ಒಂದೂಕಾಲು ಗಂಟೆಯ ಏಕ ವ್ಯಕ್ತಿ ಪ್ರದರ್ಶನದಲ್ಲಿ ಮಹಿಳಾ ಸಮಸ್ಯೆಗಳ ನಾನಾ ಮುಖಗಳು, ಹಲವಾರು ವ್ಯಾಖ್ಯಾನಗಳು, ಅನೇಕ ಆಯಾಮಗಳು ಅನಾವರಣಗೊಳ್ಳುತ್ತವೆ.

ಈ ಕಥನದಲ್ಲಿ ಪುರಾಣ, ಇತಿಹಾಸ, ಸಮಕಾಲೀನ ವಿದ್ಯಾಮಾನಗಳನ್ನು ಕಟ್ಟಿಕೊಡುವ ಪ್ರಯತ್ನ ಮಾಡಲಾಗಿದೆ. ಝರಿ ಝರಿಯಾಗಿ, ತೊರೆ ತೊರೆಯಾಗಿ ಹರಿದು ನದಿ, ಸಾಗರಗಳನ್ನು ಸೇರುವ ಹಾಗೆ ಕಥೆ ಸಾಗುತ್ತದೆ. ಸಮ ಸಮಾಜ ನಿರ್ಮಿಸುವ ವರೆಗಿನ ಹೋರಾಟದ ಹಾದಿಯನ್ನು ಈ ಏಕವ್ಯಕ್ತಿ ಪ್ರಾಕಾರ ಒಳಗೊಂಡಿದೆ. ಅಧಿನಾಯಕಿಯನ್ನು ಒಮ್ಮೆ ನೋಡಿದರೆ ಸ್ತ್ರೀ ಸಂವೇದನೆ  ನಮ್ಮ ಅಭಿಪ್ರಾಯಗಳು ಇನ್ನಷ್ಟು ಪಕ್ವಗೊಳ್ಳುತ್ತವೆ. ಗೌರವ ಭಾವನೆ ಗಟ್ಟಿಯಾಗುತ್ತದೆ.